«Атамекен» Қазақстан Республикасының Ұлттық кәсіпкерлер палатасы
Бизнестің сенімді серіктесі

Қаз

ҰКП Туристік сала комитеті: өңірлік туристік өнімді дамытудың кезі келді

2020 жылғы 26 Қазан
3983 просмотров

COVID-19 және халықаралық авиақатынастың тоқтауы туристердің ішкі ағынын жақсартуға қосымша стимулдарды берді

 Осы ретте қазақстандықтар әлеуметтік желілерде оң пікірлерден бөлек, елдегі дамымаған инфрақұрылымы бар демалыс орындарын суретке түсіріп бөлісті. «Атамекен» ҚР ҰКП Туристік сала комитетінің отырысында кәсіпкерлер және салалық қауымдастықтар ішкі туризмнің дамуына қатысты пікірлерін ортаға салды.

«KITO TRAVEL»  компаниясының жетекшісі  Жазира Жанкина Қарағанды облысындағы туристік нысандарға назар аударуға шақырды.

«Турпакеттерге Қарқаралы, Ұлытауға баруды қосуға болады. Осы орындарға бара жатып, «Тірі сабақтар» жобасы тұрғысынан қызықты болатын нысан – автомобильдерді утилизациялау зауытына кіріп шығуа болады. Бірақ осының барлығын сату үшін басқа өңірлердегі туропепаторларды ақпараттандыру қажет. Ақпараттық турларды өткізуде қолдау қажет», – деді Жазира Жанкина.

 «Карат-тур» ЖШС директоры Гүлбану Бекбосынова Атырау өңірі әдетте мұнайлы өлке болып саналатынын айтты. Осы ретте турбизнесқонақтарға Қазақстан үшін сирек құбылыс – лотостың гүлдеуін ұсына алады.

 «Бұл өте тартымды өнім, оған ресейлік туристерді әкелуге болады. Алайда, Атырау – Астрахан тасжолы тым нашар жағдайда», – деді Гүлбану Бекбосынова.

 Ішкі және көшпелі туризм қауымдастығының төрайымы Альбина Веймер және «ТУИ Қазақстан» коммерциялық директоры Салтанат Омарова өңірді зерттеу және оған шетелдік туристерді тарту мақсатында ақпараттық тураларды ұйымдастырудың маңызын атап өтті.

 «Мәселен, Таразда биыл көптеген қызықты туристік орындар пайда болды. Өңіріміз киелі жерлерге бай болса да биыл ТОП-10-ға кірмеген. Біздің өңіріміз туралы көбірек білу үшін ақпараттық турларды өткізуді қолдаймын», – деді Альбина Веймер.

«Атамекен» ҚР ҰКП Басқарма Төрағасының орынбасары Юлия Якупбаева оқиғалық күнтізбеге қайта оралып, өңірлерде туристік жаңа орындарының ТОП-ондығын біртіңдеп кеңейтуді ұсынды.

 «Бүгінде саяхаттау және әлеуметтік желіге түрлі-түсті суреттерді салу сәнді трендке айналды. Бірақ туристерге бағдар керек. Жапония көп жылдар бойы туристерді сакураның гүлдеуіне тартып келеді. Қазақстан бойынша көздің жауын алатын оқтиғаларды ескерсек, біз бүтін күнтізбені құра аламыз. Ерте көктем – Жамбыл облысында жауқазындардың гүлдеуі, мамыр – Алматы облысында қызғалдақтар мен алмаағаштың гүлдеуі, тамыз – Шығыс Қазақстандағы күнбағыстардың пісуі, қыркүйектің басы – батыста лотостың гүлдеуі. Өнім фестивальдары – жүзім, алма, асқабақтың пісуін де күнтізбеге қосуға болады», – деп атап өтті Юлия Якупбаева.

Туристік сала өкілдері жаңа өнімдердің қалыптасуына сапалы жолдардың және басқа да инфрақұрылымдардың болмауы жиі кедергі келтіретіндігіне назар аударды.

ҚР Мәдениет және спорт министрлігі Туризм индустриясы комитетінің төрағасы Дастан Рыспеков биыл министрлік Ұлттық палатамен бірлесіп, Жұмыспен қамту жол картасы аясында туристік индустрия жобаларын ілгерілеткені жайында атап өтті.

 «Атамекен» тарапынан жұмыспен қамту картасына туризм бойынша жобаларды қосу жақсы ұсыныс болды. Бірінші кезекте жергілікті атқарушы органдар әлеуметтік жобаларды ілгерілетуге тырысады. Бірақ біз тағы сұраймыз, мәселеге ҚР Мәдениет және спорт министрі А.Райымқұлова қосылды. Егер туризм жұмыспен қамту картасының бір индикаторы болса, сөзсіз жобалар санын арттыруға болады», – деді Дастан Рыспеков.

Еуразия туризм қауымдастығының жетекшісі Рысты Қарабаева ұсынысты қолдап, «Kazakh Tourism»  ҰК» АҚ туристік нарық және Ұлттық палатамен бірлесіп, оның мазмұны: өңірлік ресурстар, өңірлік туристік өнім және туроператорларға қатысты жұмысты бастап, содан кейін ілгерілету және маркетингті қолға алу қажеттігін айтты. «Kazakh Tourism» ұлттық компаниясына ішкі нарықты дамыту және Қазақстанда шет елде жарнамалауда теңгерім табу қажет.

 «Осы ретте, егер шетелдік серіктестер мен туристер Қазақстан туралы естімейтін болса, онда шекаралар ашылған кезде отандық туроператорлардың бәрі қалыс қалады. Сондықтан сараланған шешім қажет», – деді «SkyWay» директоры Әсем Қозбағарова.

 Бизнестің ұсыныстарын ескере отырып, «Атамекен» ары қарайғы бірлескен жұмысқа арналған схеманы ұсынды.

 «Біздің алаңда өңірлік өнімдер мен сала жобаларын тыңдау бойынша «сүзгіні» құрамыз. Өңірлермен бірлесіп, заңнамалық немесе инфрақұрылымдық проблематиканы анықтайтын боламыз. Сәйкесінше,  оларды НҚA-ға түзетулер енгізу арқылы шешу немесе жұмыспен қамтудың жол картасын түгендеу шеңберіндегі мәселелерді қарастырыңыз. Дайын маршруттар мен жобалар ішкі және халықаралық ақпараттық турларға қосылады. Егер туристерді қабылдауға дайын бірнеше дайын туристік өнім болса, біз ТОП-10-ты осы аймақ бойынша кеңейтуге кеңес береміз. Егер туристерге ұсынылатын бірнеше дайын маршрут болса, онда осы өңірге ТОП-10-ты кеңейтуд ұсынымаыз», – деп ұсынды Юлия Якупбаева.

Жиын барысында «Kazakh Tourism» ҰК АҚ 2019 жылдағы жұмысқа есеп беріп, 2020 жылы туристік саланы дамыту саласындағы жобалар туралы айтты. 2020 жылы ұлттық компанияға отандық туристік өнімді дамыту және илгерілету іс-шараларына 1 млрд 793 мың теңге бөлінген. Басқарма Төрағасы Ержан Еркінбаевтың айтуынша, бес жоба ішінде – қазақстандық туристік нысандарға арнап стандарттарды әзірлеу, соның ішінде Қытай, Италия және Швейцария сапа стандартатрына талдау жүргізу бар.

 «Қауымдастықтармен бірге барлық модельдерді қарадық, бізге Қазақстанға сай келетін  жеке стандарттар моделі керек деген ойға келдік және бизнес-қоғамдастықпен бірге осындай моделді әзірлеу бойынша жобаны жүргізіп жатырмыз. Ұлттық палатамен бірлескен «Жол картасы» аясында каталог пен интерактивті картаны қалыптастырумен туристік маршруттарды түгендеу бойынша жұмыстар басталды, онда өңірлердің барлық оң және теріс жақтарын көрсететін болады. Жыл соңына дейін санаторий-курорттық өңірлерді түгендеу,  елдегі қолөнерді зерттеу бойынша кәсіпкерлерге арналған жұмыс және анықтамалық материалдар ұсынылады», – деді Ержан Еркінбаев.

 Биыл аграрлық туризмге зерттеу аяқталды. Салалық қауымдастық аграрлық туризм субъектілеріне арналған егжей-тегжейлі нұсқаманы таныстырады. Жұмыс Түркістан, Ақмола, Алматы және Жамбыл облыстарында жүргізіліп жатыр. 2020 жылы қазақстандық мектептерде «тірі» сабақтарды енгізу тәжірибесін енгізу бойнша жұмыс басталды. Бұл аймақтардың табиғи, мәдени, тарихи, өндірістік және ғылыми әлеуетіне негізделген әр түрлі оқу бағдарламаларына сәйкес жасалған экскурсиялар мен турлар. Пилоттық жобада 500-ден астам мектеп оқушы тартылатын 3 өңірде экскурсиялар жоспарланған.

 «Биыл пандемия бәрін өзгертті, сондықтан бізде ұсыныс бар – роуд-шоуға қарастырылған қаражатты бірнеше жобаға бөлу керек. Шоуды онлайн форматында өткіземіз, біз сіздермен талқылап, жыл соңына дейін жүзеге асырылуы мүмкін бірнеше шараларды таңдай аламыз», – деп ұсынды Kazakh Tourism Басқарма Төрағасы.

 Өз кезегінде Юлия Якупбаева нәтижеге бағдарлану қажеттігін атап өтті.  

«Бастысы жобаларды аяғына дейін жеткізу керек, сондықтан нақты КРІ керек,  нысандары бар картаны жай ғана құрып немесе қолөнер, стандарттар, агротуризм талдауын жүргізу ғана емес – нақты жобаларды іске асыру керек. Цифрландыру бойынша жобалар келер болсақ, мақсатты хакатондарға өту керек. Осы ретте ІТ-нарық әлеуетімен қоса, туристік нарық, дизайнерлер, маркетологтардың кәсіби біліктілігін пайдалану қажет», – деді Юлия Якупбаева.

Кездесуді аяқтап, Kazakh Tourism, Атамекен мен бизнес қауымдастық жыл соңында өңірлердің дамуын ескере отырып, іс-шаралар мен компанияның 2021 жылға арналған бюджетін бірлесіп жоспарлауды бастауға келісті.

 


Еншілес ұйымдар

Серіктестер