Бизнес пен Үкімет: Алматыда вице-премьер мен бизнес-қауымдастықтың кездесуі өтті
Алматыда бизнес-қауымдастық өкілдері Премьер-Министрдің орынбасары-Ұлттық экономика министрі Серік Жұманғаринмен, Бизнес-омбудсмен Қанат Нұровпен және «Атамекен» Ұлттық кәсіпкерлер палатасының Төралқа төрағасы Райымбек Баталовпен кездесті. Шараға қазақстандық бизнес өкілдері жиналып, кәсіпкерлікті дамыту, бизнес-климатты жақсарту, шағын және орта бизнесті қолдауға қатысты өзекті мәселелерді талқылады.
Жиында кәсіпкерлік саласындағы мемлекеттік саясатты жетілдіру, ашықтықты арттыру және бизнесті жүргізудегі кедергілерді жою тақырыптары төңірегінде әңгіме өрбіді. Қатысушылар қазіргі экономикалық қиындықтар жағдайында кәсіпкерлерді қолдау шараларын, сондай-ақ, инновациялар мен технологиялық стартаптарды ынталандыру мүмкіндіктері жайында айтты.
.JPG)
Серік Жұманғарин елдегі инвестициялық ахуалды жақсартуға бағытталған реформаларды жалғастырудың маңыздылығына тоқталды. Сондай-ақ, ол проблемаларды шешу және экономиканы дамытуға бағытталған жаңа бастамаларды жүзеге асыру үшін мемлекеттік органдар мен бизнес-қоғамдастықтың өзара іс-қимылын жақсарту қажеттігін атап өтті.
.JPG)
«Атамекен» ҚР ҰКП Төралқа төрағасы Райымбек Баталов бизнес үшін заңнамалық және салықтық шарттарды жақсарту бойынша ұсыныстарын айтты. Басым бағыттардың бірі – әкімшілік кедергілерді азайту және рұқсаттар мен лицензияларды алу рәсімдерін жеңілдету.
Отырыс барысында ҚҚС мөлшерлемесін 20 пайызға дейін көтеруге қатысты да бірқатар ұсыныстар айтылды. Кәсіпкерлердің айтуынша, бұл ірі бизнеске айтарлықтай әсер етпей, жалпы салаға әсер етіп, шағын және микро бизнеске әсер етуі мүмкін.
Бизнес үшін тәуекелдерді азайту және барлық кәсіпкерлер үшін теңгерімді жағдайларды қамтамасыз ету үшін олар мемлекеттік органдарға салық жүктемесін кезең-кезеңімен арттыруды ұсынды.
«12-ден 20 пайызға дейін күрт өсу бизнеске күшті салық жүктемесін тудырады. Салық салу базасын кеңейту қажет болғанымен, айналымы 12 миллион теңгеден асатын кәсіпорындар үшін тиімдірек салық салу режимінің арқасында бизнестің бөлшектеніп кетпеуін қамтамасыз ету қажет», - деді «Қазақстан Халық Банкі» АҚ басқарма төрағасы Үміт Шаяхметова.
Кәсіпкерлер «сұр» және «қара» импорт сегментін талқылады. Бір ғана танымал брендтің смартфондарын импорттаудан бюджет шамамен 300 миллион теңге жоғалтады, деп атап өтті «Tеhnodom» АҚ негізін қалаушы және иесі Эдуард Ким.
«Біз Үкіметпен бірлесіп, еліміздің экономикасын дамытудың тұрақты, нақты, түсінікті бағдарламасын әзірлей аламыз және ең алдымен өнімнің өзіндік құнын төмендетуге, жұмысты, атмосфераны және ШОБ үшін жағдайды жақсартуға көмектесетін цифрлық технологияларға назар аудара аламыз. Біз сондай-ақ серіктестеріміздің тыныш жұмыс істеп, артық өнім жасай алатынын қалаймыз», - деді Эдуард Ким.
Одан бөлек, кездесу барысында ауыл шаруашылығы, денсаулық сақтау және басқа да салалардағы мәселелер талқыланды.
Кездесуді қорытындылай келе, барлық тараптар сындарлы диалог пен одан әрі ынтымақтастыққа дайын екендіктерін білдірді. Мемлекеттік органдар мен бизнес-қоғамдастық бизнестің қажеттіліктері мен мүдделерін ескере отырып, Қазақстанда тұрақты және бәсекеге қабілетті экономиканы құру үшін бірлескен жұмысты жалғастыру маңызды.
Пікір қалдыру:
Пікірлер: