Павлодарда бизнес құқығын қорғау жөніндегі уәкіл өкілінің қатысуымен еңбек дауы қаралды
Одақтар үйінде Қазақстан кәсіпкерлерінің құқықтарын қорғау жөніндегі Павлодар облысы бойынша уәкілдің өкілі Мәди Сыздықов пен Қазақстан Республикасы Кәсіподақтар федерациясы заң клиникасы филиалының басшысы Марина Иванованың қатысуымен азаматтарды қабылдау өтті.
Көмек сұрап келген Павлодарлықтар олардың жұмыс берушісі, «PAVLODAR DOWNTOWN» ЖШС басшысы оларды еңбек шартынсыз жұмысқа жіберіп, орындаған жұмыстарына толық ақы төлемегенін айтты. Бұл оларды сотқа әкелді. Бұл ретте жұмыс беруші еңбек шартын жасаспаған, еңбек жағдайларын жасамаған, қызметкерлерді міндетті сақтандыруды жүзеге асырмаған және оларды жазатайым оқиғалардан сақтандырмаған, жұмыс уақытын есептемеген, оларға жалақы бермеген. Сол арқылы ол Қазақстан Еңбек кодексінің 23-бабы 2-тармағының 1), 2), 4), 9), 14), 15), 20), 25) және 27) тармақшаларында көзделген міндеттерді орындамаған.
Еңбек шартының мазмұны еңбек шартының міндетті шарттарын, оның ішінде жұмыс уақыты мен демалыс уақытының режимін, еңбек жағдайларының сипаттамасын, еңбекақы төлеу мөлшері мен өзге де шарттарын, қызметкер мен жұмыс берушінің құқықтарын, міндеттерін қамтитын ҚР Еңбек кодексінің 28-бабында айқындалған. Ал жұмысшыны заң бойынша еңбек шартын жасасқаннан кейін ғана жұмысқа жіберуге болады. Мұндай шартты ресімдемей адамды жұмысқа жіберу үшін лауазымды тұлғалар 30, шағын кәсіпкерлік субъектілері немесе коммерциялық емес ұйымдар - 60, орта кәсіпкерлік субъектілері - 80, ірі кәсіпкерлік субъектілері - 150 айлық есептік көрсеткіш мөлшерінде айыппұл төлеуі тиіс.
.jpg)
Кәсіподақтар федерациясы заң клиникасының филиалы Павлодар қаласының азаматтық істер жөніндегі ауданаралық сотына еңбек қызметі фактісін анықтау және жұмыс берушіден жалақы бойынша берешек сомасын өндіріп алу туралы өтініштерді ресімдеу бойынша құқықтық көмек көрсетті.
«Өтініш берушілер мәселесі толық шешілгенге дейін бақылауда болады», - дейді Қазақстан кәсіпкерлерінің құқықтарын қорғау жөніндегі Павлодар облысы бойынша уәкілдің өкілі, Павлодар облысы Кәсіпкерлер палатасы директорының орынбасары Мәди Сыздықов.
Суреттер: Павлодар облысының аумақтық кәсіподақ бірлестігі.
.jpg)
Пікір қалдыру:
Пікірлер: