Еркін Пидахметтің терек тоғайы

2025 жылғы 04 Сәуір

- Жетісу облысы

1508 просмотров

Жетісу облысының кәсіпкерлер палатасы ауылдық жерлердегі кәсіпкерлік субъектілерінеде қолдау көрсетеді. Аграрлық шаруалардың қажеттіліктерін анықтау мақсатында өңірлік палата директоры Дәурен Оңалбаев кәсіпкерлермен кездесу үшін аудандарға барып, жақында Көксу ауданындағы жалпы 18 гектар алқапта терек, қайың өсірілетін Мұсабек ауылында болды.

Еркін Пидахмет Қытайдан көшіп келіп, отбасымен 2008 жылы облыс орталығында - Талдықорған қаласында қоныстанды. Біраз уақыттан кейін ауылдық жерге көшуге шешім қабылдап, Көксу ауданындағы Мұсабек ауылын таңдады. Мемлекеттік бағдарлама аясында өтеусіз негізде жер телімін алды.

Еркін ағаш өсіруге кірісіп, бүгінде оның еңбегінің арқасында Мұсабек ауылында терек тоғайы бар. Еркіннің бастамасы жыл сайын жаңа екпелермен өсіп келеді, ал бүгінгі таңда тоғайда 16 мың жаңа терек отырғызылған.

Еркін ағаштардың тек экологиялық жағдайды жақсартуға ғана емес, сонымен қатар құнды ресурс ретінде де пайдаланылуы мүмкін екенін түсінеді. Оның шаруашылығы Қазақстан Республикасы Президентінің экологиялық жағдайды жақсартуға бағытталған «Таза Қазақстан» акциясын белсенді қолдайды.

Оның шаруашылығының ерекшелігі – ағаш өңдеу цехын ашу. Қазірдің өзінде оның учаскесіндегі 10 мың терек құрылыс материалдарына кесуге дайын, бұл шаруашылықтың кірісін айтарлықтай арттыра алады.

Бұл бизнес сонымен қатар «Адал азамат» тұжырымдамасы қағидаттарының жарқын мысалы болып табылады - әділдік, ашықтық, адалдықты көздейтін тәсіл. Еркін Пидахмет бұл қасиеттерді экологияға қамқорлық жасау және өз аймағының өміріне белсенді қатысу арқылы көрсетеді. Оның үлгісі - кәсіпкер тек бизнес құрып қана қоймай, сонымен қатар аймақтың дамуына және экологиялық жағдайды жақсартуға белсенді үлес қосатын азаматтық қоғамның идеалы.

Алайда, жетістіктерге қарамастан, Еркін бизнесті кеңейту үшін қаржылық ресурстардың жетіспеушілігі мәселесіне тап болды. Негізгі қиындық - ағаш өңдеуге қажетті жабдықтың болмауы. Құрылыс материалдарына айналуы мүмкін терек діңдері арнайы жабдықсыз пайдаланылмайды.

Жетісу облысының кәсіпкерлер палатасы жеңілдетілген қаржыландыру алу, бизнес-жоспар құру мақсатында мемлекеттік бағдарламаларға қатысу үшін қажетті құжаттарды қалыптастыруда жан-жақты қолдау көрсетуге, атап айтқанда қаржылай емес қолдау көрсетуге, сондай-ақ кәсіпкерге өндірісті жаңғырту және шаруашылықты кеңейту үшін қажетті қаражатты тартуға мүмкіндік беретін ірі бизнестен шаруа қожалығына қаржылық көмек іздеуге жәрдемдесуге дайын екенін білдірді.

«Біз Еркін Пидахметтің өндіріс көлемін айтарлықтай арттырып, жаңа жұмыс орындарын ашуға мүмкіндік алатынына сенімдіміз, бұл жергілікті экономикаға және экологиялық жағдайға оң әсерін тигізеді», — дейді Дәурен Оңалбаев.

Осылайша, Еркін Пидахметтің оқиғасы – бұл жетістікке ұмтылу мен іске деген сүйіспеншілік көптеген қиындықтарды жеңе алатындығының мысалы. Жергілікті билік пен кәсіпкерлік ұйымдардың қолдауының арқасында оның шаруа қожалығының одан әрі дамуы мен өркендеуіне барлық мүмкіндігі бар.