Бизнесті негізсіз қудалаудан қорғау
Қарағанды облысының кәсіпкерлер палатасында қылмыстық сот ісін жүргізуде кәсіпкерлердің құқықтарының бұзылуын болдырмау және рейдерліктен қорғау жөніндегі бірлескен, қадағалау органымен бірлескен жұмыстардың бағыттары талқыланды.
Жұмыс кездесуіне қатысушылар-ӨКП құқықтық блогының қызметкерлері, Қарағанды облысы прокуратурасының және Қарағанды облысы бойынша Экономикалық тергеу департаментінің өкілдері.
Кездесу барысында тараптар өзара іс-қимылды жақсарту және ЖКС-ны қылмыстық қудалау орбитасына тартудың алдын алу мәселелерін талқылады.
Сондай-ақ құқық қорғау органдары тарапынан шағын және орта бизнес субъектілерінің қызметіне заңсыз араласу мақсатында қабылданып жатқан шаралар туралы баяндалды.
"Бизнесті қорғау экожүйесін қалыптастыру аясында "Атамекен" ҰКП мен ҚР Бас прокуратурасы арасында бизнесті қорғау саласындағы өзара іс-қимыл жөніндегі кешенді жоспарға қол қойылды. Кешенді жоспардың тармақтарының бірі кәсіпкерлерді қылмыстық қудалау орбитасына негізсіз тарту фактілерінің алдын алу бойынша бірлескен жұмысты күшейту болып табылады. Біздің бүгінгі кездесуіміз қылмыстық сот ісін жүргізу саласындағы бизнесті қорғау жөніндегі қадағалау қызметін талдауды тыңдау мақсатында ұйымдастырылды", — деп атап өтті жергілікті палата директорының орынбасары Алхайдар Асқаров.
Облыстық прокуратура қызметкерлері бизнес субъектілерін қылмыстық жауапкершілікке заңсыз тарту фактілеріне прокурорлық ден қою шаралары туралы хабардар етті. Жұмыс кездесуіне қатысушылар елімізде жүйелі негізде кәсіпкерлік қоғамдастықты қалыптастыру, еліміздің инвестициялық тартымдылығын арттыру және салауатты бәсекелестікті дамыту үшін құқықтық негіз жетілдіріліп жатқанын атап өтті. Қарағанды облысының мысалында осы бағыттағы жұмыс қажетті нәтиже беретіні туралы айтуға болады
"Біздің облысымыз бойынша жыл басынан бері ҚР ҚІЖК-нің 105 және 106-баптарына сәйкес заңды кәсіпкерлік қызмет пен шағымдарға кедергі келтірудің бірде-бір фактісі тіркелген жоқ.
Сонымен қатар, прокуратура органдары ЕҚДБ-да тіркелу үшін экономикалық тергеу органдарының барлық істері бойынша келісу жүргізеді. Дар бірлескен кеңестерде кәсіпкерлер палатасына келіп түскен жеке кәсіпкерлік субъектілерінің шағымдарын қарауға дайын екендігін білдірді.
Палатаның құқықтық қорғау және әкімшілік кедергілерді азайту бөлімінің бастығы Азамат Даненбаев кәсіпкерді қылмыстық процеске немесе рейдке тарту орын алған жағдайларда, заң консультациясы мен көмек қажет болған жағдайларда кәсіпкерлер палатасына уақыт жоғалтпай жүгінуге шақырады. Кәсіпкерлер палатасының мекенжайы: Қарағанды қаласы, Ермеков көшесі 29, 3 қабат, 312 кабинет. Конт.телефон: 8 /701/ 3699122.
Пікір қалдыру:
Пікірлер: